मोटरसाइकलको ठक्करबाट पैदलयात्रीको मृत्यु

भक्तपुर । भक्तपुरमा मोटरसाइकलको ठक्करबाट एक जना पैदलयात्रीको मृत्यु भएको छ । मृत्यु हुनेमा रामेछापको दोरम्बा गाउँपालिका–४ घर भई सूर्यविनायक नगरपालिका–१० नलिन्चोक बस्ने ७० वर्षीय निमबहादुर मगर रहेका छन् ।

प्रहरी परिसर भक्तपुरका अनुसार, जगातीबाट साँगागा जाँदै गरेको बा ४६ प ११२७ नम्बरको मोटरसाइकलले नलिन्चोक जोरपाटीमा निमबहादुरलाई ठक्कर दिएको थियो । मोटरसाइकलको ठककरबाट गम्भीर घाइते भएका उनलाई मध्यपुर अस्पताल पुर्याइएकोमा उपचारकै क्रममा राति पौने १० बजे मृत्यु भएको हो ।

मोटरसाइकल चालक काभ्रेको बनेपा–६ का ४४ वर्षीय जितेन्द्र श्रेष्ठलाई प्रहरीले नियन्त्रणमा लिई घटनाको बारेमा आवश्यक अनुसन्धान गरिरहेको छ ।