हेटौंडाको बुद्धचोकबाट एक जना पक्राउ

मकवानपुर । मकवानपुरको हेटौंडाबाट प्रहरीले शनिबार लागूऔषधसहित एक जनालाई पक्राउ गरेको छ ।

प्रहरीले हेटौंडा उपमहानगरपालिका–१० बुद्धचोकबाट नियन्त्रित लागूऔषध ट्रामाडोल २३ ट्याब्लेट र फेनारगन २३ एम्पुलसहित एक जनालाई पक्राउ गरेको हो ।

पक्राउ पर्नेमा मकवानपुरगढी गाउँपालिका–२, फुलबारी बस्ने ४३ वर्षीय साकार दाहाल रहेका छन् ।

उनलाई जिल्ला प्रहरी कार्यालय मकवानपुरबाट खटिएको प्रहरीले उनलाई उक्त परिणामको लागूऔषधसहित पक्राउ गरेको हो ।

पक्राउ परेका उनीमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।