मोटरसाइकल दुर्घटनामा परेर बाबु–छोराको मृत्यु

विराटनगर । मोरङको ग्रामथान गाउँपालिका–२ झोराहाटमा मोटरसाइकल दुर्घटनामा परेर बाबु–छोराको मृत्यु भएको छ ।

आज बिहान १ बजेको समयमा झोराहाट चौकस्थित नहरको पुलमा प्रदेश १–०४–००२ प १९०१ नम्बरको मोटरसाइकल ठोक्किएर दुर्घटना हुँदा बाबु–छोराको मृत्यु भएको प्रहरीले जनाएको छ ।

मृत्यु हुनेहरुमा कटहरी गाउँपालिका–१ का २२ वर्षीय आशिक मरिक र ४५ वर्षीय उमेश मरिक रहेका छन् ।

मोटरसाइकल छोरा आशिकले चलाएको बुझिइएको छ ।

प्रहरीका तीव्र गतिमा रहेको मोटरसाइकल आफैं घिनाघाट–विराटचोक सडकखण्डको नहरमा ठोक्किएर दुर्घटना भएको थियो ।