कांग्रेसद्वारा केन्द्रीय समितिको बैठक आह्वान
तु खबर संवाददाता२०८१ पुष १,सोमबार १०:३०
काठमाडौं । नेपाली कांग्रेसले आज आकस्मिक रुपमा केन्द्रीय समितिको बैठक आह्वान गरेको छ ।
बैठक बिहान साढे ११ बजे केन्द्रीय कार्यालय सानेपामा आह्वान गरिएको हो ।
उक्त बैठकमा केन्द्रीय कार्यसमितिका पदाधिकारी, सदस्य एवम् आमन्त्रित सदस्यहरूलाई बोलाइएको हो ।
काठमाडौंका पूर्व मेयर एवम् पूर्वमन्त्री पीएल सिंहको निधनपछि कांग्रेस बैठक बस्न लागेको जनाइएको छ ।
बैठकमा शोक प्रस्तावबारे निर्णय गर्ने कांग्रेसको तयारी गरिएको छ ।