एकीकृत समाजवादीको स्थायी कमिटी बैठक आज पनि जारी

काठमाडौं । नेकपा एकीकृत समाजवादी पार्टीको स्थायी कमिटी बैठक आज पनि जारी रहने छ । मंसिर २६ गतेदेखि सुरु भएको एकीकृत समाजवादीको स्थायी कमिटी बैठक आज पनि बस्ने भएको हो ।

आजको बैठकमा नेताहरूको जिम्मेवारी तोक्ने पार्टीको तयारी गरेको प्रवक्ता जगन्नाथ खतिवडाले जानकारी दिए ।

उनका अनुसार, आजको बैठकमा पार्टीको सुदृढीकरण, आगामी निर्वाचनको तयारी, राजनीतिक तथा भूराजनीतिक चुनौतीलगायतका विषयबारे आधिकारिक निर्णय पनि सार्वजनिक गरिनेछ ।

बैठक पार्टी केन्द्रीय कार्यालय आलोकनगरमा बैठक जारी छ । छलफलमा नेताहरूले कुनै पार्टीसँग एकीकरण गर्न नहुनेमा जोड दिँदै आएको उनको भनाई छ ।