रविलाई म्याद थपको लागि आज अदालत उपस्थित गराइँदै

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेलाई आज अदालतमा उपस्थित गराइने भएको छ । कास्की प्रहरीको हिरासतमा रहेका उनलाई पछिल्लो पटक लिएको ५ दिनको म्याद सकिएकोले आज अदालतमा उपस्थित गराइने हो ।

अभियोजन नगर्दासम्म उनलाई हिरासतमा राख्नुपर्ने भएकोले आज म्याद थपको लागि अदालतमा उपस्थित गराइने जनाइएको छ ।

सभापति लामिछानेविरुद्ध पुष ५ मा जिल्ला अदालत कास्कीमा अभियोगपत्र दायर गर्नेगरी सरकारी वकिल कार्यालयले तयारी गरिरहेको छ ।
सम्पत्ति शुद्धीकरण मुद्दामा ९० दिन अनुसन्धान गर्न पाउने समय हुनाले पुस ५ मा उनीविरुद्ध अभियोग पत्र दायर गरिन लागिइएको हो ।