चक्कु प्रहार गरेर बुवाद्वारा छोराको हत्या

काठमाडौं । भक्तपुरको भक्तपुर नगरपालिका वडा नम्बर–२ मा गएराति बुवाले चक्कु प्रहार गरेर छोराको हत्या गरेका छन् ।

घरायसी विवादमा अछामको कमलनगर नगरपालिका–६ घर भई हाल भक्तपुर बस्ने ६३ वर्षीय दीप बहादुर शाहीले चक्कु प्रहार गरे आफ्नै ३१ वर्षीय छोरा नरेन्द्र बहादुर शाहीको हत्या गरेका हुन् ।

जिल्ला प्रहरी परिसर भक्तपुरका अनुसार, हत्यामा संलग्न दीप बहादुरलाई प्रहरीले नियन्त्रणमा लिएको छ । घरायसी विवाद हुँदा उनले छोरालाई तरकारी काट्ने चक्कु प्रहार गरेका थिए ।

उक्त घटनाको बारेमा प्रहरीले आवश्यक अनुसन्धान गरिरहेको छ ।