जसपा नेपालद्वारा विभाग र भातृ संगठनको बैठक आह्वान

काठमाडौं । जनता समाजवादी पार्टी (जसपा) नेपालले पार्टीका विभाग तथा भातृ सङ्गठनहरूको बैठक आह्वान गरेको छ ।

जसपा नेपालका १७ वटा विभाग र ११ वटा भातृ सङ्गठनको बैठक आह्वान गरेको सो पार्टीका महासचिव रामकुमार शर्माले जानकारी दिए ।

उनका अनुसार, ती भातृ सङ्गठनहरूको अधिवेशन वैशाखभित्र सम्पन्न गर्ने गरी तयारीका लागि बैठक आह्वान गरिएको हो ।

विभागको बैठक यही पुस १९ गतेभित्र र भातृ सङ्गठनको पुस १५ गतेभित्र सम्पन्न गर्ने गरी तयारी चलिरहेको उनको भनाई छ ।

बैठकमा समयमा नै कसरी अधिवेशन सम्पन्न गर्ने भन्ने विषयमा छलफल हुनुका साथै विभाग र भातृ सङ्गठनहरूलाई पार्टीले सञ्चालन गरिरहेको अभियानसँग कसरी जोड्ने भन्ने विषयमा केन्द्रीत रहने उनले बताए ।