यस्तो रहनेछ आजको मौसम

काठमाडौं । जल तथा मौसम विज्ञान विभागको मौसम पूर्वानुमान महाशाखाले आज मौसम बदली भइ पूर्वी नेपालका केही ठाउँमा वर्षा हुने सम्भावना रहेको जनाएको छ ।

महाशाखाका अनुसार, कोशी प्रदेशको हिमाली क्षेत्रमा आंशिक बदली रही एक–दुई स्थानमा हल्का वर्षा र हिमपातको सम्भावना रहेको छ भने आज राति हिमाली क्षेत्रमा एक–दुई स्थानमा फाटफुटदेखि हल्का हिमपातको पनि सम्भावना रहेको छ ।

यस्तै, बागमती, गण्डकी र सुदूरपश्चिम प्रदेशका हिमाली तथा पहाडी क्षेत्रमा आंशिक बदली रही तराई क्षेत्रमा भने मुख्यतया मौसम सफा रहनेछ ।