नेपाली कांग्रेसका नेता साहको निधन

काठमाडौं । नेपाली कांग्रेस नेता जय गोपाल साहको निधन भएको छ । मोरङ जिल्ला कार्यसमितिका सदस्य समेत रहेका उनको गएराति निधन भएको हो ।

५१ वर्षीय उनको बी एण्ड सी मेडिकल कलेज बिर्तामोडमा उपचारका क्रममा निधन भएको जनाइएको छ ।

उनी पूर्व महाधिवेशन प्रतिनिधि समेत हुन् । उनको निधनप्रति नेपाली कांग्रेसका सभापति एवम् पूर्वप्रधानमन्त्री शेरबहादुर देउवाले गहिरो दुःख व्यक्त गरेका छन् ।

देउवाको तर्फबाट पार्टी कार्यालयका मुख्यसचिव कृष्ण प्रसाद पौडेलले आइतबार एक शोक विज्ञप्ति जारी गर्दै मृतकप्रति भावपूर्ण श्रद्धाञ्जली अर्पण गरे ।