स्थापना दिवसको अवसरमा ॐ बृद्धाश्रमलाई सहयोग

मकवानपुर । हेटौंडा–१, चौकीटोलमा अवस्थित ॐ बृद्धाश्रमलाई एक दिनको खानपिन वापत १५ हजार सहयोग प्राप्त भएको छ । आश्रमलाई हेटौंडा–७, नागस्वतीस्थित हेटौंडा बचत तथा ऋण सहकारी संस्था लि. ले आफ्नो २६ औं स्थापना दिवशको अवसरमा उक्त रकम सहयोग गरेको हो ।

उक्त रकम आइतबार सहकारीका कर्मचारी तथा सञ्चालकहरु आश्रममै पुगेर हस्तान्तरण गरेका हुन् । २०५६ सालमा स्थापित सहकारीले हरेक वर्ष वर्ष आफ्नो स्थापना दिवसको अवसरमा सप्ताहब्यापी कार्यक्रमको आयोजना गर्दै आइरहेको छ ।

सहयोग हस्तान्तरण कार्यक्रममा संस्थाका अध्यक्ष इन्द्रबहादुर बस्नेत, सचिव युवराज गौतम, कोषाध्यक्ष पार्वती भट्ट ब्यबस्थापक रामशरण गौतम लगायत सञ्चालक तथा कर्मचारीहरुको उपस्थिति रहेको थियो ।

स्थापना दिवसको अवसरमा सहकारीले पौष ८ गते सञ्चालक कर्मचारीबीच अन्तरक्रिया १० गते संस्थामा आवद्ध बालबचतकर्ताहरुलाई पिकनिकसहित अतिरिक्त क्रियाकलाप, ११ गते रक्तदान तथा १३ गते दिप प्रज्वलनसहित मिठाई वितरण गरिने संस्थाका सञ्चार प्रमुख सुशिल सुवेदीले जानकारी दिए ।