झोलुङ्गे पुलबाट हाम्फालेका युवकको मृत्यु
तु खबर संवाददाता२०८१ पुष १०,बुधबार १६:१०
रुकुमपश्चिम । रुकुमपश्चिमको मुसीकोट नगरपालिका–१, स्थित मठबाट सल्ले जोड्ने झोलुङ्गे पुलबाट बुधबार दिउँसो हाम्फालेका युवकको मृत्यु भएको छ ।
मृत्यु हुनेमा रुकुम पूर्वको सिस्ने गाउँपालिका–७ नाथिगार घर भई हाल मुसिकोट खलङ्गा बस्ने २७ वर्षीय लक्ष्मण नेपाली रहेका छन् । उनको घटनास्थलमै मृत्यु भएको प्रहरीले जनाएको छ ।
प्रहरीका अनुसार, पुलबाट हाम्फालेका नेपालीको शव पुलमुनि फेला परेको र मुचुल्का बनाउने काम भइरहेको छ । घटनास्थल मुचुल्कापश्चात् मृतकको शव पोष्टमार्टमका लागि जिल्ला अस्पताल सल्ले पठाइनेछ ।
