हेटौंडाबाट लागूऔषधसहित दुई जना पक्राउ
तु खबर संवाददाता२०८१ पुष १२,शुक्रबार १७:००
मकवानपुर । मकवानपुरको हेटौंडा उपमहानगरपालिका–१७ हटिया दाबिलेबाट अवैध लागूऔषध ब्राउनसुगरसहित प्रहरीले बिहीबार दुई जनालाई पक्राउ गरेको छ ।
प्रहरीले लागूऔषध ब्राउनसुगर २ ग्राम ५ सय ४० मिलिग्रामसहित २ जनालाई पक्राउ गरेको हो ।
पक्राउ पर्नेहरूमा सोही ठाउँ बस्ने ३२ वर्षीय विदन कुमार भुजेल र बाराको बिश्रामपुर गाउँपालिका–८ नकटुवा टोल बस्ने २१ वर्षीय शेख आजाद रहेका छन् ।
उनीहरुलाई अस्थायी प्रहरी पोष्ट हटियाबाट खटिएको प्रहरीले पक्राउ गरेको हो । विशेष सूचनाको आधारमा पुगेको प्रहरीले विदन कुमारको घरबाट उक्त परिणामको लागूऔषधसहित उनीहरुलाई पक्राउ गरेको हो ।
पक्राउ परेका उनीहरुमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।
