हेटौंडाबाट ५ जना पक्राउ

मकवानपुर । लागूऔषध खैरो हेराईनसहित मकवानपुर प्रहरीले पाँच जनालाई पक्राउ गरेको छ । प्रहरीले ४ ग्राम लागूऔषध खैरो हेरोईनसहित बिहीबार उनीहरुलाई पक्राउ गरेको जनाएको छ ।

पक्राउ पर्नेहरुमा मकवानपुरको हेटौंडा–२ बस्ने वर्ष ३१ को शिशिर राजथला, वर्ष ३० को निरन श्रेष्ठ, वर्ष ३५ को सुदिप भुर्तेल, हेटौंडा–४ बस्ने वर्ष ३० को असिम कुमार बर्तौला र हेटौंडा–१ बस्ने वर्ष ३० को ओम साह रहेको जिल्ला प्रहरी कार्यालय मकवानपुरका प्रहरी निरीक्षक ठाकुरप्रसाद सापकोटाले जानकारी दिए ।

उनीहरुलाई विशेष सूचनाको आधारमा पुगेको खटिएको प्रहरी टोलीले हेटौंडा उपमहानगरपालिका वडा नम्वर २, पुरानो मकवानपुर रोडस्थित शिशिर राजथलाको घरबाट पक्राउ गरेको प्रहरी निरीक्षक सापकोटाले बताए ।

पक्राउ परेका उनीहरुलाई मकवानपुर जिल्ला अदालत हेटौडाबाट ७ दिनको म्याद थप अनुमती लिई अनुसन्धान कार्य अगाडि बढाइएको छ ।