टिपर दुर्घटनामा परेर एक जनाको मृत्यु, एक घाइते
तु खबर संवाददाता२०८१ पुष १३,शनिबार १०:१८
बुटवल । गुल्मीको सत्यवती गाउँपालिकामा गएराति टिपर दुर्घटनामा परेर एक जनाको मृत्यु भएको छ भने एक जना घाइते भएका छन् ।
रिडीबाट पूर्तिघाट तर्फ जाँदै गरेको लु १ क ५४०० नम्बरको टिपर सत्यवती गाउँपालिका – २ को पाहादीस्थित कालिगण्डकी करिडोरमा दुर्घटना हुँदा एक जनाको मृत्यु भएको प्रहरीले जनाएको छ ।
प्रहरीका अनुसार, दुर्घटनामा परेर टिपर चालक पाल्पाको रैनादेवि छहरा गाउँपालिका – १, निवासी २४ वर्षीय श्रीराम कुमाल रहेका छन् ।
यस्तै, सोही दुर्घटनामा परेर सल्यानको वनगाउँ–७ बस्ने २३ वर्षका मोहन जैसी घाइते भएका छन् । उक्त घटनाको बारेमा प्रहरीले आवश्यक अनुसन्धान गरिरहेको छ ।
