उद्योग व्यापार महासंघ मकवानपुरको आयोजनामा अन्तरक्रिया

मकवानपुर । बागमती प्रदेशको राजधानी हेटौंडामा नेपालमा लगानी हिजो, आज र भोलि विषयक अन्तरक्रिया कार्यक्रम गरिएको छ । अन्तरक्रिया कार्यक्रम नेपाल उद्योग व्यापार महासंघ, मकवानपुरको आयोजनामा भएको हो ।

कार्यक्रम नेपाल उद्योग व्यापार महासंघ, मकवानपुरका अध्यक्ष जगदिश दाहालको सभाध्यक्षता एवम् बागमती प्रदेशकी पूर्व सामाजिक विकास मन्त्री कुमारी मोक्तानको प्रमुख आतिथ्यतामा भएको हो ।

कार्यक्रममा डिपी ढकालले आफ्नो कार्यपत्र प्रस्तुत गरेका थिए । ढकालले प्रस्तुत गरेको कार्यपत्रमा सूचना प्रविधि, जलश्रोत, कृषि तथा पशुपालन र भूमि, पर्यटन, औद्योगिककरण र व्यापार, वैदेशिक लगानी लगायतका विषय समेटिएका थिए ।

यस्तै, कार्यपत्रमाथि नेपाल उद्योग व्यापार महासंघ बागमती अध्यक्ष डिल बहादुर कर्माचार्य, केन्द्रीय सल्लाहकार अरुणराज सुमार्गी, प्रदेश सभा सदस्य प्रेम बहादुर पुलामी लगायतले परिचर्चा गरेका थिए ।