दक्षिण कोरियामा विमान दुर्घटना, कम्तीमा २८ जनाको मृत्यु

काठमाडौं । दक्षिण कोरियामा विमान दुर्घटना भएको छ । दक्षिण कोरियाको पश्चिममा रहेको मुआन अन्तर्राष्ट्रिय विमानस्थलमा विमान धावनमार्गबाट चिप्लिएर पर्खालमा ठोक्किएर दुर्घटना भएको हो ।

१८१ जना सवार उक्त विमान दुर्घटनाग्रस्त हुँदा कम्तीमा २८ जनाको मृत्यु भएको योनहाप समाचार एजेन्सीले जनाएको छ ।

योनहाप समाचार एजेन्सीका अनुसार, आइतबार बिहान उक्त विमान विमानमा रहेका यात्रुहरूमा १७३ जना दक्षिण कोरियाली र दुई जना थाई नागरिक थिए ।

१७५ यात्रु र छ जना चालक दलका सदस्य रहेको जेजु एयरको विमान थाइल्याण्डको बैंककबाट फर्किरहेको र अवतरण गर्ने क्रममा दुर्घटना भएको जनाइएको छ ।

अन्यको उद्धार कार्य जारी रहेको बुझिइएको छ । दुर्घटनाको कारण स्पष्ट नभएको र घटनाको बारेमा आवश्यक अनुसन्धान भइरहेको जनाइएको छ ।–एजेन्सी