दक्षिण कोरियामा विमान दुर्घटनाः मृत्यु हुनेको संख्या ६२ पुग्यो

काठमाडौं । दक्षिण कोरियामा आज बिहान भएको विमान दुर्घटनामा परेर हुनेको संखया ६२ पुगेको छ ।

दक्षिण कोरियाको पश्चिममा रहेको मुआन अन्तर्राष्ट्रिय विमानस्थलमा विमान धावनमार्गबाट चिप्लिएर पर्खालमा ठोक्किएर दुर्घटना हुँदा मृत्यु हुनेको संख्या ६२ पुगेको योनहाप समाचार एजेन्सीले जनाएको छ ।

योनहाप समाचार एजेन्सीका अनुसार, आइतबार बिहान १७५ यात्रु र छ जना चालक दलका सदस्य रहेको जेजु एयरको विमान दुर्घटना भएको थियो । थाइल्याण्डको बैंककबाट फर्किरहेको र अवतरण गर्ने क्रममा दुर्घटना भएको जनाइएको छ ।

अन्यको उद्धार कार्य जारी रहेको बुझिइएको छ । दुर्घटनाको कारण स्पष्ट नभएको र घटनाको बारेमा आवश्यक अनुसन्धान भइरहेको जनाइएको छ ।–एजेन्सी