दक्षिण कोरिया विमान दुघर्टनाः मृतकको संख्या १७७ पुग्यो

सोल । दक्षिण कोरियामा आज बिहान भएको विमान दुघर्टनामा परेर मृत्यु हुनेको संख्या १७७ जना पुगेको छ ।

दक्षिण कोरियाको पश्चिममा रहेको मुआन अन्तर्राष्ट्रिय विमानस्थलमा विमान धावनमार्गबाट चिप्लिएर पर्खालमा ठोक्किएर दुर्घटना हुँदा मृत्यु हुनेको संख्या कम्तिमा १७७ पुगेको अधिकारीहरुले बताएका छन् ।

बिहान १७५ यात्रु र छ जना चालक दलका सदस्य रहेको जेजु एयरको विमान दुर्घटना भएको थियो । थाइल्याण्डको बैंककबाट फर्किरहेको र अवतरण गर्ने क्रममा दुर्घटना भएको जनाइएको छ ।

यक्त दुर्घटनामा अहिलेसम्म दुई जना मात्रै जीवित फेला परेका छन् । उनीहरूको अस्पतालमा उपचार भइरहेको सरकारी समाचार संस्था योन्ह्यापले जनाएको छ ।

हालसम्म अधिकारीहरूले २२ जनाको पहिचान गरेको बुझिइएको छ । अन्यको उद्धार कार्य जारी रहेको बुझिइएको छ ।–एजेन्सी