मकवानपुरमा बोलेरो गाडी दुर्घटना हुँदा एक जना गम्भीर घाइते

मकवानपुर । मकवानपुरको राक्सिराङ गाउँपालिका वडा नम्वर ५, चाक्ले बगरस्थित भित्री सडकखण्डमा आज दिउँसो बोलेरो पिकअप गाडी दुर्घटना हुँदा एक जना गम्भीर घाइते भएका छन् ।

दिउँसो साढे २ बजेको समयमा मनहरीबाट कैलाश गाउँपालिकातर्फ जाँदै गरेको सु.प.प्र. ०१–००१ च २९४६ नं. को बोलेरो पिकअप गाडी ब्रेक फेल भई रोडबाट अन्दाजी ४ मिटर तल खसेर दुर्घटना हुँदा एक जना घाइते भएको मकवानपुर प्रहरीले जनाएको छ ।

प्रहरीका अनुसार, दुर्घटनामा घाइते हुनेमा अन्दाजी ४० वर्षीय पुरुष रहेका छन् । उनको पहिचान खुलेको छैन । घाइते उनलाई तत्काल उद्दार गरी उपचारको लागि मनहरीतर्फ पठाइएको छ ।

उक्त गाडीमा ८ जना सवार थिए । अन्य यात्रुहरु भने सबै सकुसल रहेका छन् । बलेरो घटनास्थलमा नै रहेको छ । गाडी चालक भने हाल सम्पर्कमा नरहेको भन्दै प्रहरीले उनको खोजतलास गर्नुका साथै घटनाको बारेमा आवश्यक अनुसन्धान गरिरहेको जनाएको छ ।