बैतडी केन्द्रबिन्दु भएर भूकम्पको धक्का

काठमाडौं । बैतडी केन्द्रबिन्दु बनाएर आज बिहानै भूकम्पको धक्का महसुस भएको छ । बिहान ७ः ५४ बजेको समयमा भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।

उक्त केन्द्रका अनुसार, बैतडीको नवाघर वरपर केन्द्रबिन्दु बनाएर ४ दशमलव ६ म्याग्निच्युडको भूकम्प गएको हो । आसपासका जिल्लाहरूमा पनि भूकम्पको धक्का महसुस भएको थियो ।

पछिल्लो केही समययता देशको विभिन्न जिल्लामा सानो सानो पराकम्प गइरहेको छ । बझाङ, मनाङ, बाजुरा, दार्चुला र जाजरकोटमा भूकम्पका धक्का महसुस हुँदै आएको हो ।