मकवानपुरमा गैंडाको आक्रमणबाट एक वृद्धा घाइते

मकवानपुर । मकवानपुरको मनहरी गाउँपालिकामा गैंडाको आक्रमणबाट एक वृद्धा घाइते भएकी छन् । घाइते हुनेमा मनहरी–६, लोथरमा चितवनको राप्ती नगरपालिका १ नम्बर वडा दुबिचौरकी ७० वर्षीय दिलमाया स्याङ्तान रहेको जिल्ला प्रहरी कार्यालय मकवानपुरले जनाएको छ ।

प्रहरीका अनुसार, बुधबार लोथर खोला नजिक रहेको लामेदमार मध्यबर्ती सामुदायिक बनमा घाँस काटन तथा गोबर टिप्न आएकी स्याङ्तान गैंडाको आक्रमणमा परेकी हुन् । घाइते स्याङ्तानको हात, शरिर र निधारमा चोट लागेको छ । घाइते उनलाई उपचारको लागि चितवनतर्फ लगिइएकाृ छ ।

घटनास्थल आसपासमा रहेका स्थानीयहरुले हो–हल्ला गरेपश्चात गैंडा जंगलतर्फ भागेको जनाइएको छ ।