गाँजासहित हेटौंडाबाट दुई जना पक्राउ

मकवानपुर । मकवानपुर प्रहरीले अवैध लागूऔषधसहित हेटौंडाबाट बिहीबार बिहान दुई जनालाई पक्राउ गरेको छ ।

प्रहरीले जिल्लाको हेटौंडा उपमहानगरपालिका–१० नारायणी मल नजिकबाट अवैध लागूऔषध गाँजा करिब १० किलो २७० ग्रामसहित दुई जनालाई पक्राउ गरेको हो ।

पक्राउ पर्नेहरुमा कैलाश गाउँपालिका–५ भैराङ बस्ने ३० वर्षीया अंजली गोले र हेटौंडा उपमहानगरपालिका–३ बसामाडी बस्ने ५१ वर्षीया ज्ञानुमायाँ गोले रहेको प्रहरीले जनाएको छ ।

उनीहरुलाई जिल्ला प्रहरी कार्यालय मकवानपुरबाट खटिएको प्रहरीले पक्राउ गरेको हो । पक्राउ परेका उनीहरूमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।