मारवाडी युवा मञ्चको आयोजनामा रक्तदान कार्यक्रम
तु खबर संवाददाता२०८१ पुष १९,शुक्रबार १८:१४
मकवानपुर । मकवानपुरको हेटौंडामा शुक्रबार रक्तदान कार्यक्रमको आयोजना गरिएको छ । रक्तदान कार्यक्रम नेपाल राष्ट्रिय मारवाडी युवा संगठन अन्तर्गतको मारवाडी युवा मञ्चले आयोजना गरेको हो ।
हेटौंडाको बुद्ध चोकमा आयोजना गरिएको उक्त कार्यक्रममा कार्यक्रममा २० जनाले रक्तदान गरेका छन् । जसमा ४ जना महिला र १६ जना पुरुष रहेका छन् ।
कार्यक्रम रक्त सञ्चार केन्द्र हेटौंडाको सहकार्यमा भएको हो । कार्यक्रममा सन्त निरंकारी आश्रमका जिल्ला सञ्चालक मदन पोखरेल, मारवाडी महिला मञ्चकि निर्वतमान अध्यक्ष स्नेहा चनानी, मारवाडी समाजमा ज्येष्ठ नागरिक रमेश सिंगललगायतको आतिथ्यता रहेको थियो ।
