मकवानपुर र काठमाडौं जोड्ने मातातीर्थ सडक १५ दिन बन्द हुने

मकवानपुर । मकवानपुर र काठमाडौं जोड्ने मातातीर्थ सडक पुष २२ गतेदेखि १५ दिन बन्द हुने भएको छ ।

महालक्ष्मी खोला–मातातीर्थ सडक अन्तर्गत मकवानपुरको इन्द्रसरोवर गाउँपालिका वडा नम्वर, ५ स्थित महालक्ष्मी खोला नजिकै भिर कटानका लागि उक्त सडक बन्द गर्नु लागेको वडाध्यक्ष दुतराज तितुङले जानकारी दिए ।

उनका अनुसार, बागमती प्रदेश सरकारको पूर्वाधार विकास कार्यालय मकवानपुरबाट मकवानपुरतर्फको सडक खण्डमा स्तरोन्नतिका क्रममा उक्त सडक बन्द गर्न लागिएको हो ।

उक्त सडक आगामी माग ७ गतेसम्म बन्द रहनेछ । सो सडक खण्डमा हाल स्तरोन्नतिको काम भइरहेको उनले बताए ।