लागूऔषधसहित मकवानपुरका युवक पक्राउ
तु खबर संवाददाता२०८१ पुष २१,आईतवार १५:२२
मकवानपुर । मकवानपुर प्रहरीले लागूऔषध गाँजासहित शनिबार एक युवकलाई पक्राउ गरेको छ ।
पक्राउ पर्नेमा जिल्लाको राक्सिराङ गाउँपालिका वडा नम्वर ३ पलासे बस्ने २२ वर्षीय सुदिप तामाङ रहेको प्रहरीले जनाएको छ ।
प्रहरीका अनुसार, उनलाई मनहरी गाउँपालिका वडा नम्वर ८ बाट लागूऔषध गाँजा करिब ५ किलोग्रामसहित पक्राउ गरिएको हो ।
इलाका प्रहरी कार्यालय मनहरीबाट खटिएको प्रहरीले उनलाई उक्त गाँजा सहित पक्राउ गरेको हो ।
