एमाले बैठक आज पनि जारी रहने

काठमाडौं । नेकपा एमालेको केन्द्रीय कमिटी बैठक आज पनि जारी रहनेछ । बैठक ललितपुर, च्यासलस्थित पार्टी केन्द्रीय कार्यालयमा बिहान ११ बजेदेखि बैठक सुरु हुने जनाइएको छ ।

एमाले केन्द्रीय कमिटीको बैठक आइतबारदेखि सुरु भएको हो । आज बस्ने बैठकमा केन्द्रीय सदस्यहरुले राजनीतिक र साङ्गठनिक प्रतिवेदनमाथि आ–आफ्नो धारणा राख्ने कार्यतालिका रहेको सो पाटीले जनाएको छ ।

हिजो आइतबार बसेको बैठकमा प्रधानमन्त्रीसमेत रहेका पार्टी अध्यक्ष केपी शर्मा ओलीले राजनीतिक र महासचिव शङ्कर पोखरेलले साङ्गठनिक प्रतिवेदन पेश गरेका थिए ।

प्रतिवेदनमाथि आइतबार २७ जना केन्द्रीय सदस्यहरुले आ–आफ्नो धारणा राखेका थिए । बाँकीले आज धारणा राखेपछि निष्कर्ष प्रस्तुत गरिने बुझाइएको छ ।