अमेरिकामा कार दुर्घटना हुँदा दुई नेपालीको मृत्यु

भर्जिनिया । अमेरिकाको भर्जिनियाको स्यानटिली सहरमा कार दुर्घटना हुँदा दुई नेपालीको मृत्यु भएको छ ।

जनवरी ९ बिहीबार बिहान एउटा होटल बाहिरको पोखरीमा कार डुबेर दुर्घटना हुँदा दुई नेपालीको मृत्यु भएको हो ।

मृत्यु हुनेमा ५५ वर्षीय कर्ण खड्का र २० वर्षीय निश्चल भट्ट रहेको एनबीसी वाशिंगटनले जनाएको छ ।

एनबीसी वाशिंगटनका अनुसार, कार आंशिक रूपमा हिउँ जमेको पानीमा डुब्दा चालक खड्का र यात्रु भट्ट भित्र फसेको देखिइएको छ ।–एनेज्सी