गाडीको ठक्करबाट पैदल यात्रीको मृत्यु

पाल्पा । पाल्पामा फोर्स गाडीले ठक्कर दिंदा एक जना पैदलयात्रीको मृत्यु भएको छ । मृत्यु हुनेमा तानसेन नगरपालिका–११ सामाकोटकी ४६ वर्षीया सिता गहजराज रहेको जिल्ला प्रहरी कार्यालय पाल्पाले जनाएको छ।

प्रहरीका अनुसार, बुटवलबाट गुल्मीतर्फजाँदै गरेको लु २ ख ५६१८ नम्बरको फोर्स गाडीको ठक्करबाट घाइते भएकी उनलाई उपचारको लागि लुम्बिनी मेडिकल कलेज प्रभासमा लगिएकोमा चिकित्सकले मृत घोषणा गरेको हो ।

ठक्कर दिने सवारी र चालकलाई नियन्त्रणमा लिएर घटनाबारे अनुसन्धान गरिरहेको जिल्ला प्रहरी कार्यालय पाल्पाले जनाएको छ ।