भिमान कपः मनहरी–७ र चुरियामाई एफसी फाइनलमा प्रवेश

मकवानपुर । मकवानपुरको मनहरी गाउँपालिका–२ मा जारी दोस्रो वडाध्यक्ष भिमान स्मृति कप फुटबल प्रतियोगिता अन्तरगत मनहरी–७ र चुरियामाई एफसी रमौली मनहरी–७ फाइनमा प्रवेश गरेका छन् ।

आजको पहिलो खेलमा मनहरी–७ चुरियामाई एफसी र जनसिंद्ध एफसी मनहरी–३ बीच खेल भएको थियो । जसमा मनहरी–७ चुरियामाई एफसीले मनहरी–३ जनसिंद्धलाई १–० गोल अन्तरगले पराजित गर्दै फाइनलमा आफ्नो स्थान बनाएको हो ।

यस्तै, आजै भएको दोस्रो खेलमा मनहरी–७ र मनहरी–८ बीच प्रतिस्पर्धा भएको थियो । सो प्रतियोगितामा मनहरी–७ ले १–० गोल अन्तरले मनहरी–८ लाई पराजित गर्दै फाइनलमा प्रवेश गरेको खेलकुद विकास समिति मनहरी–२ का सदस्य इन्द्रदेव वाईबाले जानकारी दिए ।

प्रतियोगिताको फाइनल खेल यही माघ ५ गते हुँदैछ । खेलकुद विकास समिति मनहरी–२ को आयोजनामा गत पौष २६ गतेबाट सुरु भएको थियो ।

प्रतियोगितामा पालिकाभित्रका १६ वटा टिमले सहभागीता जनाएको आयोजकले जनाएको छ । प्रतियोगिताको विजेत र उपविजेताले क्रमशः ५० हजार र २५ हजार रुपैयाँसहित शिल्डमेडल प्राप्त गर्ने मनहरी खेलकुल विकास समितिका सदस्य चन्द्रबहादुर स्याङ्ताले जानकारी दिए ।

प्रतियोगितामा मनहरी–२, स्थित त्रिरत्न आधारभूत विद्यालयको खेल मैदानमा भइरहेको २ नम्वर वडाध्यक्ष राजकुमार पाख्रिनले बताए ।