भिरबाट लडेर मकवानपुरकी महिलाको मृत्यु

मकवानपुर । भिरबाट लडेर मकवानपुरकी एक महिलाको मृत्यु भएको छ । जिल्लाको भीमफेदी गाउँपालिका वडा नम्बर ३, ईचुङस्थित घट्टेपाखा भिरबाट लडेर एक महिलाको मृत्यु भएके मकवानपुरका प्रहरी नायव उपरीक्षक श्यामु अर्यालले जानकारी दिए ।

प्रहरी नायव उपरीक्षक अर्यालका अनुसार, मृत्यु हुनेमा स्थानीय ५३ वर्षीया चमेली माया पाख्रिन रहेकी छन् । घर नजिकै रहेको जङ्गलमा घाँस काट्न गएकी उनको चिप्लिएर भिरबाट लडेर मृत्यु भएको हो ।

मृतक पाख्रिनको शव पोस्र्टमाटमको लागि हेटौंडामा अस्पतालमा राखिएको र घटनाको बारेमा थप अनुसन्धान भइरहेको प्रहरीले जनाएको छ ।