हेटौंडामा एक महिलाको शव फेला

मकवानपुर । मकवानपुरको हेटौंडामा एक महिलाको शव फेला परेको छ । जिल्लाको हेटौंडा उपमहानगरपालिका वडा नम्वर १, स्वर्गलोकस्थित लिलामणी पौडेलको घर अगाडीको बरण्डामा सोमबार एक महिलाको शव भेटिएको मकवानपुर प्रहरीले जनाएको छ ।

मकवानपुरका प्रहरी नायव उपरीक्षक श्यामु अर्यालका अनुसार, उक्त शव मनहरी गाउँपालिका वडा नम्वर ३, हाडीखोला घर भई हेटौंडाको बजार क्षेत्रमा कवाडीको काम गरी ब्यवारिसे हिसाबले बसोबास गरी हिड्ने वर्ष ४२ को बिनय ब्लोनको श्रीमती वर्ष ३७ की सिता ब्लोनको रहेको बुझिएको छ ।

घटनास्थलमा जिल्ला प्रहरी कार्यालयका प्रहरी निरीक्षक विश्वम्भर नाथ साहको कमाणडमा अनुसन्धान टोली पुगेको थियो । मृतक महिलाको श्रीमान् बिनय पनि उनीसँगै थिए । उक्त घटनाको बारेमा प्रहरीले आवश्यक अनुसन्धान गरिरहेको प्रहरी नायव उपरीक्षक अर्यालले बताए ।