मोटरसाइकल दुर्घटनामा परेर दुई जनाको मृत्यु

तनहुँ । तनहुँको व्यास नगरपालिका–१२, बेलभन्ज्याङमा आज बिहान मोटरसाइकल दुर्घटनामा परेर दुई जनाको मृत्यु भएको छ ।

दमौलीबाट डुम्रेतर्फ जाँदै गरेको गण्डकी प्रदेश०३–००१ प ०३१० नम्बरको मोटरसाइकल अनियन्त्रित भई सडकबाट खसेर दुर्घटना हुँदा दुई जनाको मृत्यु भएको प्रहरीले जनाएको छ ।

प्रहरीका अनुसार, दुर्घटनामा परेर दुबै जनाको घटनास्थलमै मृत्यु भएको हो । मृतक दुबै जनाको सनाखत हुन सकेको छैन ।

उक्त घटनाको बारेमा प्रहरीले आवश्यक अनुसन्धान गरिरहेको जनाइएको छ ।