टर्कीको एक होटलमा आगलागी हुँदा १० जनाको मृत्यु, ३२ जना घाइते

अंकारा । उत्तरपश्चिमी टर्कीको एक स्की रिसोर्ट होटलमा आगलागी हुँदा कम्तिमा १० जनाको मृत्यु भएको छ भने ३२ जना घाइते भएका छन् ।

बोलु प्रान्तको कारतलकाया रिसोर्टको रेस्टुरेन्टमा राति आगलागी हुँदा उनीहरुको मृत्यु भएको टर्कीका मन्त्री अली येर्लिकायाले जानकारी दिए ।

धेरै प्रयासपछि दमकलको सहायताले आगो नियन्त्रणमा लिएको र घाइतेहरूलाई अस्पतालमा भर्ना गरेर उपचार गरिरहेको जनाइएको छ

।घटनाको समयमा होटलमा २३४ जना पाहुना थिए । आगलागीको कारण पत्ता नलागेको र घटनाको बारेमा आवश्यक अनुसन्धान भइरहेको जनाइएको छ ।–एजेन्सी