प्रथम हेटौंडा १२ वडा अध्यक्ष कप भलिबल प्रतियोगिता हुँदै

मकवानपुर । प्रथम हेटौंडा १२ वडा अध्यक्ष कप खुल्ला पुरुष भलिबल प्रतियोगिता २०८१ हुने भएको छ । उक्त प्रतियोगिता हेटौंडा १२ खेलकुद विकास समितिको आयोजना हुन लागेको हो ।

आयोजकले मंगलबार पत्रकार सम्मेलनमार्फत् यही माघ १६ गतेदेखि १९ गतेसम्म हेटौंडा–१२ स्थित बुद्ध मावि हात्तीगौँडामा उक्त प्रतियोगिता हुन लागेको जानकारी गराएको हो ।

प्रतियोगितामा १३ भन्दा बढी टिमको सहभागिता रहने प्रतियोगिता संयोजक मनोज लामा स्याङतानले जानकारी दिए । हेटौंडा उपहानगरपालिका भित्रका वडाहरुले मात्र सहभागिता जनाउने पाउने प्रतियोगितामा वडा भन्दा बाहिरका बढीमा ३ जना खेलाडीहरु समावेश गराउन पाइने उनको भनाई छ ।

प्रतियोगिताको विजेता र उपविजेता समूहले क्रमशः ५० हजार र ३० हजार रुपैयाँसहित शिल्ड, मेडल र प्रमाणपत्र प्राप्त गर्नेछन् ।

यस्तै, उत्कृष्ट विधाहरुमा समेत खेलाडीलाई पुरस्कृत गरिने आयोजकले जनाएको छ ।

प्रतियोगिता तुलसी मेहर मेमोरीयल आवासीय मावि, नारायणी कलेजको मुख्य प्रायोजन तथा हेटौंडा उपमहानगरपालिका वडा नं. १२ को सहयोगमा हुन लागेको हो ।