हेटौंडाका पाख्रिनको लडेर मृत्यु

मकवानपुर । मकवानपुरको हेटौंडामा लडेर आज (शुक्रबार) दिउँसो एक जनाको मृत्यु भएको छ ।

मृत्यु हुनेमा जिल्लाको हेटौंडा उपमहानगरपालिका वडा नम्वर १५, रातोमाटेस्थित ठुलो सुगौली बस्ने वर्ष अन्दाजी ९७ को हरिबहादुर पाख्रिन रहेको मकवानपुरका प्रहरी नायव उपरीक्षक श्यामु अर्यालले जानकारी दिए ।

प्रहरी नायव उपरीक्षक अर्यालका अनुसार, दिउँसो १२ बजेको समयमा आफ्नै घरको शौचालय जाने क्रममा लडेर उनी गम्भीर घाइते भएका थिए ।

घाइते उनलाई तत्काल उपचारको लागि हेटौंडा अस्पतालमा लगिएकोमा चिकित्सकले मृत घोषणा गरेको प्रहरी नायव उपरीक्षक अर्यालले बताए ।