जसपाले आगामी चैतमा संघीय परिषद् भेला गर्ने
तु खबर संवाददाता२०८१ माघ १३,आईतवार १७:४६
काठमाडौं । जनता समाजवादी पार्टी (जसपा) ले आगामी चैतमा संघीय परिषद् भेला गर्ने भएको छ । शनिवारबाट वीरगञ्जमा बसेको केन्द्रीय समिति बैठकले उक्त निर्णय गरेको हो ।
बैठकले भेला काठमाडौंमा आयोजना गर्ने निर्णय गरेको महासचिव मोहम्मद इस्तियाकर राईले जानकारी दिए । मिति र स्थान भने पछि तय गर्ने उनको भनाई छ ।
यस्तै, बैठकले परिषद् भेला गर्नेसहित महत्त्वपूर्ण चार वटा निर्णय गरेको परिषद् बैठक अघि सातै प्रदेशहरूको गठन पुनर्गठन पनि गरिसक्ने उनले बताए ।
संविधान संशोधन, कार्यगत एकतालगायतका विषयमा पनि बैठकमा छलफल भएको नेता राईले बताए ।