रास्वपा संसदीय दल बैठक बोलायो
तु खबर संवाददाता२०८१ माघ १४,सोमबार ०९:०४
काठमाडौं । राष्ट्रिय स्वतन्त्र पार्टी (रास्वपा) संसदीय दलको बैठक बोलाइएको छ । बैठक यही माघ १६ गते बिहान ११ बजे पार्टी कार्यालयमा बस्ने गरी बोलाएको पार्टी संसदीय दलका उपनेता विराजभक्त श्रेष्ठले जानकारी दिए ।
बैठक दलका उपनेता श्रेष्ठकै संयोजकत्वमा बस्नेछ । सो बैठकमा संसद्को हिउँदे अधिवेशनको विषयमा छलफल हुनेछ ।
पार्टी सभापति तथा दलको नेता रवि लामिछानेको अनुपस्थितिमा संसद्मा कसरी प्रस्तुत हुने, कस्ता एजेन्डा केन्द्रित हुने, सांसदको भूमिका कसरी प्रभावकारी रूपमा निभाउने जस्ता विषयमा छलफल हुने बुझिइएको छ ।