मकवानपुर प्रहरीद्वारा चार जना पक्राउ
तु खबर संवाददाता
मकवानपुर । मकवानपुर प्रहरीले अवैध लागूऔषधसहित चार जनालाई पक्राउ गरेको छ । प्रहरीले हेटौंडाको विभिन्न स्थानबाट लागूऔषधसहित चार जनालाई पक्राउ गरेको हो ।
प्रहरीले प्रहरी चौकी ठुलोदमार मकवानपुरबाट खटिएको प्रहरी टोलीले हेटौंडा–१८, स्याउली बजारस्थित धरान–चतरा सडकखण्डबाट लागूऔषध ट्रामाडोल ३५० ट्याब्लेटसहित दुई जनालाई पक्राउ गरेको छ ।
प्रहरीले हेटौडाबाट फापरबारीतर्फ जाँदै गरेको बागमती प्रदेश ०३–००२ प १५८९ नं. को मोटरसाइकल चालक मकवानपुरको बकैया गाउँपालिका वडा नम्वर ५ श्रीपुर बस्ने वर्ष २० को अमिर थिङ र मोटरसाइकलमा सवार सोही स्थान बस्ने कर्मचुली बस्ने वर्ष २० को सन्देश राईलाई पक्राउ गरेको हो । पक्राउ परेका उनीहरुलाई मकवानपुर जिल्ला अदालतबाट ७ दिनको म्याद थप अनुमती लिई अनुसन्धान कार्य गरिरहेको जनाइएको छ ।
यस्तै, प्रहरीले सोमबार दिउँसो २ बजेको समयमा अस्थायी प्रहरी पोष्ट हटिया मकवानपुरबाट खटिएको प्रहरी टोलीले गस्ती गर्दै जाने क्रममा जिल्लाको हेटौंडा– १७ स्थित सडकखण्डमा शंकास्पद रुपमा हिडिरहेको अवस्थामा लागूऔषध गाँजा २ किलो १०० ग्रामसहित एक जनालाई पक्राउ गरेको छ ।
पक्राउ पर्नेमा सुमन गोङ्वा रहेका छन् । उनमाथि मकवानपुर जिल्ला अदालत हेटौडाबाट ७ दिनको म्याद थप अनुमती लिई अनुसन्धान कार्य भइरहेको जनाएको छ ।
यसैगरी, प्रहरीले आज बिहान हेटौंडा–१५, रातोमाटेस्थित पुर्व–पश्चिम लोकमार्ग सडकखण्डमा सवारी साधनहरु रोकी चेकजाँच गर्ने क्रममा कैलाश गाउँपालिका–९, नामटार घर भई हाल हेटौंडा–११, थानाभर्याङमा डेरा गरी बस्ने वर्ष ४० को कुमार सिं गोलेलाई लागूऔषधसहित पक्राउ गरेको छ ।
प्रहरी चौकी रातोमाटे मकवानपुरबाट खटिएको प्रहरी टोलीले मकवानपुरको हेटौडाबाट बिरगंजतर्फ जाँदै गरेको बा.प्र. ०३–००५ प ९४८४ नं. को स्कुटर चालक गोलेलाई शंका लागी रितपुर्वक खानतलासी गर्दा निजले लुकाई छिपाई गरी ल्याईएको अवस्थामा ५ किलो ३४० ग्राम लागुऔषध गाँजा बरामद भएपछि निजलाई पक्राउ गरेको हो । पक्राउ परेका उनीमाथि मकवानपुर जिल्ला अदालत हेटौंडाबाट ७ दिनको म्याद थप अनुमती लिई अनुसन्धान कार्य भइरहेको छ ।
