लागूऔषधसहित हेटौंडाबाट एक जना पक्राउ
तु खबर संवाददाता२०८१ माघ १६,बुधबार १७:०८
मकवानपुर । मकवानपुरको हेटौंडा उपमहानगरपालिका वडा नम्वर १५, रातोमाटेबाट प्रहरीले अवैध लागूऔषधसहित मंगलबार एक जनालाई पक्राउ गरेको छ ।
प्रहरीले लागूऔषध गाँजा करिब ५ किलोग्रामसहित पर्सा घर भएका ३० वर्षीय बिनोद सहनीलाई पक्राउ गरेको हो । उनलाई प्रहरी चौकी रातोमाटेबाट खटिएको प्रहरीले पक्राउ गरेको हो ।
प्रहरीका अनुसार, हेटौंडाबाट वीरगंजतर्फ जाँदै गरेको बा.प्र.०३–००१ ज ०८९० नम्बरको गाडीमा सवार उनको साथबाट सो परिणामको गाँजा बरामद भएपछि निजलाई पक्राउ गरिएको हो ।
पक्राउ परेका उनीमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।
