ओखलढुङ्गामा जिप दुर्घटना हुँदा तीन जनाको मृत्यु

काठमाडौँ । ओखलढुङ्गाको मानेभञ्ज्याङ गाउँपालिका वडा नम्बर–७ मा सुमो दुर्घटना हुँदा तीन जनाको मृत्यु भएको छ ।

ना १ ज ६४२१ नम्बरको सुमो दुर्घटना हुँदा तीन जनाको मृत्यु भएको ओखलढुङ्गा प्रहरीले जनाएको छ ।

प्रहरीका अनुसार, सुमो खोटाङको दिक्तेलबाट बिरामी बोकेर काठमाडौँ आउँदै गरेको अवस्थामा दुर्घटना भएको थियो ।

दुर्घटनामा परेर मृत्यु हुनेमा खोटाङको कोपिलासगढी गाउँपालिका घर भएका मायादेवी गुरुङसहित ३ जना छन् । मृतक अन्यको भने हल सनाखत नभएको र घटनाको बारेमा प्रहरीले आवश्यक अनुसन्धान गरिरहेको छ ।