मंगलबार ६०० ले बढ्यो सुनको भाउ, चाँदीको कति ?

काठमाडौं । नेपाली बजारमा मंगलबार पनि सुनको भाउ बढेको छ । यसदिन सुन प्रतितोला ६ सय रुपैयाँले बढेको नेपाल सुनचाँदी व्यवसायी महासंघले जनाएको छ ।

महासंघका अनुसार, भाउ बढेसँगै आज सुन प्रतितोला एक लाख ७० हजार २ सय कायम भएको छ । यसअघि सोमबार तोलामा १ लाख ६९ हजार ६०० रुपैयाँमा कारोबार भएको थियो ।

यस्तै, मंगलबार चाँदीको मूल्य भने घटेको छ । सोमबार १ हजार ९७५ रुपैयाँमा कारोबार भएको चाँदी आज एक हजार ९४५ मा कारोबार भएको हो ।