प्राधिकरणका अध्यक्ष ओझाको मुद्दामा दुवै पक्षलाई छलफलमा उपस्थित हुन सर्वोच्चको आदेश
तु खबर संवाददाता
काठमाडौं । बीमा क्षेत्रको नियामक निकाय नेपाल बीमा प्राधिकरणका अध्यक्ष पदमा नियुक्त भएका शरद ओझाको नियुक्ति सम्बन्धि विवादमाथि आज सुनुवाई गर्दै सर्वोच्च अदालतले दुवै पक्षलाई छलफलमा उपस्थित हुन आदेश दिएको छ ।
सर्वोच्च अदालतका न्यायाधीश डा। नहकूल सुवेदीको इजलासले कारण देखाउ जारी गर्दै अन्तरिम आदेश जारी गर्ने कि नगर्ने भन्ने सम्बन्धमा छलफल गर्न दुवै पक्षलाई उपस्थित हुन भनिएको छ ।
अधिवक्ता इन्दिरा धमलाको माग बमोजिमको अन्तिम आदेश जारी गर्नु किन नपर्ने हो रु भन्दै सरकारलाई उपस्थित हुन सर्वोच्च अदालतले आदेश जारी गरेको हो ।
ओझाको योग्यता नपुग्ने भन्दै निजको नियुक्ति वदरको माग गरिएको छ । अधिवक्ता इन्दिरा धमलाले उत्प्रेषण, अधिकारपृक्षा र परमादेश माग गर्दै रिट दर्ता गरेकी थिइन् । ओझाको नियुक्ति उत्प्रेषणको आदेशद्वारा बदर गर्न र नियक्तिको प्रकृया पुनः अघि बढाउन माग गरिएको छ ।
रिट निवेदकको तर्फबाट बरिष्ठ अधिवक्ता गोविन्द वन्दी, अधिवक्ताहरु शशी मरासिनी, डा.मधुसुधन न्यौपाने, गिरिजा प्रसाद अधिकारी, रादिका चम्लागाईंलगायतकाले बहस गरेका थिए ।