अजिताको मोबाइल अन भएपछि फसिन् एलिसा
तु खबर संवाददाता
हेटौंडा, २२ माघ । तेस्रो लिङ्गीहरुको अधिकारका लागि दिलो ज्यान दिएर आवाज उठाउँदै आएकी अजिता भुजेलले ४ माघमा आफ्नो ज्यान जाने कुनै त्यस्तो जोखिमपूर्ण काम गरेकी थिइनन् ।
सिंगो वर्गको अधिकारका लागि लड्ने उनले आफ्नो पारिश्रमिक माग्नु स्वभाविक थियो । किनकी पछिल्लो समय उनले यौन सम्पर्कलाई व्यवसायीक क्रियाकलाप बनाएकी थिइन् ।
पारिवारिक बाध्यताका कारणले यौन सम्पर्क गरेरै जीविकोपार्जनसमेत गर्दै आएकी अजिता ४ माघको मध्यरातमा आफ्नो पारिश्रमिकका लागि अडिग भइन् ।
४ जनाले यौन सम्पर्क गरेबापत ७ हजार रुपैंया दिने भएपछि उनी राजी भएकी थिइन् । ४ माघको मध्यरातमा ४ जना पुरुष मिलेर पालैपालो यौन सम्पर्क राखे ।
तर, रकम दिनेबेला ती पुरुषहरुले अजितासँग झगडा गरेपछि भनाभन सुरु भएको थियो । हक्की स्वभावकी अजिताले आफुले रकम नपाउने भएपछि लड्न तयार भइन् । जसकारण रकमकै निहुँमा उनको ज्यान गयो ।
४ जना पुरुषले रकम दिने सर्तमा १ तेस्रो लिंगीसँग यौन सम्पर्क राखे । तर, अनाहकमा एक युवती फसिन् । ती युवती हुन्, हेटौंडा ११ निवासी २० बर्षीया एलिसा पाख्रिन । एलिसाले अजिताको मोवाइल पाएपछि जब सिम प्रयोग गरेर अन गरिन्, त्यसपछि प्रहरीले उनलाई पक्राउ गर्याे ।
३ दिनदेखि उनी प्रहरीको हिरासतमा छिन् । उनी बिरुद्ध प्रहरीले मुद्दासमेत दायर गरिसकेको छ । प्रहरीका अनुसार एलिसा बिरुद्ध मुलुकी अपराध (संहिता) ऐन २०७४ को परिच्छेद १२ को ज्यान सम्बन्धी कसुर अन्तर्गत् मुद्दा चलाइएको छ । अजिताको हत्या, यौन सम्पर्कसँग कहिँकतै नजोडिएकी एलिसा अनाहकमा फसेकी हुन् ।
यसरी फसिन् एलिसा
१६ दिनसम्म हत्यामा संलग्न भएकाहरुसम्म प्रहरी पुग्न सकेको थिएन । २ सय ५० जना भन्दा बढी व्यक्तिसँग प्रहरीले सोधपुछ गरेको थियो ।
प्रहरी बाटो हेर्दै थियो, अजिताको हराएको मोबाइल कहिले अन हुन्छ ? २० माघ सोमबार प्रहरीले मोबाइल अन भएको सूचना पायो । अजिताले रातो रंगको ओप्पो मोबाइल बोक्ने गरेकी थिइन् ।
सोमबार मोबाइल अन भएपछि प्राविधिक अनुसन्धानबाट मोबाइल बोक्ने व्यक्तिसम्म प्रहरी पुग्यो । प्रहरीले हेटौंडा–११ बस्ने २१ वर्षीया एलिशा पाख्रिनको साथबाट उक्त मोबाइल बरामद गर्यो । एलिसाले सिमकार्ड हालेर मोबाइल अन गरेपछि प्रहरीले एलिसालाई पक्राउ गर्न समय लगाएन् ।
घटना क्रम हेर्दा अजिता हत्याका अभियुक्तहरुले उनको मोबाइल एलिसासम्म पुर्याएका थिए । आफ्नै साथी आशिषले दिएको मोबाइलको कारण एलिसालाई प्रहरी हिरासतसम्म पुर्यायो ।
पाख्रिनसँग अजिताको मोबाइल कसरी आइपुग्यो ? अनुसन्धान गर्दैजाँदा अजिता हत्यामा संलग्न रहेका हत्या आरोपी आशिष बलले उनलाई मोबाइल दिएको अनुसन्धानबाट खुल्यो ।
आशिषलाई पक्राउ गरेर सोध्दा हक्चर भनिने बुद्ध लामाले मोबाइल दिएको प्रहरीले पत्ता लगायो । लामालाई चितवनबाट पक्राउ गरी प्रहरीले सोधपुछ गर्दा अर्का व्यक्ति भापु भिनने ना ६ ख ६५२७ नम्बरको आइचर ट्रकका सहचालक सिमोन परियारले दिएको बताए ।
त्यसपछि प्रहरीले सिमोनलाई पक्राउ गर्यो । अजिताको सोही आइचर ट्रकमा हत्या भएको प्रहरी अनुसन्धानले देखाएको छ । सिमोनलाई पक्राउ गरेपछि प्रहरीले अजिता हत्याको १७ दिनपछि हत्यामा संलग्न भएकाहरुलाई पक्राउ गर्न सफल भएको हो ।
यो पनि पढ्नुहोस्
- हेटौंडाको क्याम्पाडाँडामा नवलपुरकी अजिता मृत फेला
- अजिता प्रकरण : घाँटीमा बिजुलीको तार बेरेर हत्या
- अजिता प्रकरण : हेटौंडा अस्पतालले शव पोस्टमार्टम गर्न नमानेपछि काठमाडौं पठाउँदै
- अपडेट– अजिताको शव क्याम्पाडाँडामा, स्कुटर थानाभर्याङमा
- हेटौंडाकी तेस्रोलिंगी अजिताको बलात्कारपछि हत्या
- हेटौंडाकी अजिता भुजेलको हत्या आरोपमा ५ जना पक्राउ
- अजिता प्रकरणः हत्याराको नजिक पुग्दै मकवानपुर प्रहरी
- अजितासँग ‘लिभिङ टुगेदर’मा बस्ने फरार !
- अजिताको हत्या निर्मलाको जस्तो गुपचुप नहोस् (भिडियो समेत)
- यी हुन् अजितासँग ‘लिभिङ टुगेदर’मा बस्ने फरार युवक !
- अजिता हत्या प्रकरणः अनुसन्धान गर्न काठमाडौंबाट प्रहरीको विशेष टोली
- हेटौंडाकी अजिताको त्यो सपना जस्को उनीसँगै ‘हत्या’ भयो
- मृतक अजिता, भुजेलबाट कसरी भइन् घिसिङ ?
- अजिता हत्या प्रकरणका अभियुक्तलाई प्रहरीले सार्वजनिक गर्दै
- ४ जना मिलेर अजिताको हत्या, अभियुक्तहरु सार्वजनिक
- यौन सम्पर्कपछि रकम बार्गेनिङले लियो अजिताको ज्यान
- अजिताको हराएको फोन खुलेपछि एकैदिन यसरी समातिए हत्या आरोपी
- अजिता हत्या प्रकरणः अभियुक्तको बयान बाझियो, एसपी राठौरले पत्याएनन्