अपराध मुद्धामा फरार मकवानपुरका लामा पक्राउ

मकवानपुर । जिल्ला प्रहरी कार्यालय मकवानपुरले अपराध मुद्धामा फरार एक प्रतिवादीलाई पक्राउ गरेको छ । पक्राउ पर्नेमा मकवानपुरका भीमफेदी गाउँपलिका वडा नम्बर ३ बस्ने २७ वर्षीय सोम लामा भन्ने सोमबहादुर लामा रहेका छन् ।

उनलाई इलाका प्रहरी कार्यालय भीमफेदीबाट खटिएको प्रहरी टोलिले बिहिबार पक्राउ गरेको हो ।

उनलाई सम्मानित जिल्ला अदालत मकवानपुरको मिति २०७३ साल बैशाख २३ गतेको फैसलाले केही सार्वजनिक अपराध मुद्धामा रु. ५००० जरीवाना भुक्तान गर्न फैसला सुनाएको थियो ।

पक्राउ परेका लामालाई उक्त जरीवाना भुक्तानको लागि सम्मानित जिल्ला अदालत मकवानपुरमा उपस्थित गराईएको घटनाको विषयमा आवश्यक अनुसन्धान गरिरहेको जिल्ला प्रहरी कार्यालय मकवानपुरले जनाएको छ ।