७६ वर्षीया वृद्धालाई बलात्कार गरेको आरोपमा लामा पक्राउ

काठमाडौं । बारामा ७६ वर्षीया वृद्धालाई बलात्कार गरेको आरोपमा प्रहरीले एक जनालाई पक्राउ गरेको छ ।

पक्राउ पर्नेमा कोल्हबी नगरपालिका–८ का ३९ वर्षीय दलबहादुर लामा रहेका छन् ।

लामालाई स्थानीय महिलालाई मकैबारीमा लगेर जबरजस्ती करणी गरेको आरोपमा आइतबार पक्राउ गरेको जिल्ला प्रहरी कार्यालय बाराले जनाएको छ ।

लामालाई पाँच दिन थुनामा राख्ने अनुमति लिएर उक्त घटनाको विषयमा अनुसन्धान अनुसन्धानका साथै कानूनी प्रकृया अगाडि बढाइएको प्रहरीले जनाएको छ ।

प्रहरीका अनुसार, लामाले तीम महिलालाई आइतबार बिहान ९ः४५ बजे मकैबारीमा गएको बेला जबरजस्ती करणी गरेको खुलेको छ ।

महिलाको शारीरिक परीक्षण गरी आफन्तको जिम्मा लगाइएको प्रहरीले जनाएको छ।