मोटरसाइकल दुर्घटनामा केसीको मृत्यु

पर्वत । पर्वतको जलजला गाउँपालिका–८ खनियाँघाटमा सोमबार साँभ, मोरटसाइकल दुर्घटना हुँदा एक जनाको मृत्यु भएको छ ।

ध १ प ८९५८ नंको मोटरसाइकल साँघुको सडकमा अनियन्त्रित भई दुर्घटना हुँदा एक जनाको मृत्यु भएको हो ।

मृत्यु हुनेमा बागलुङ नगरपालिका–२ का ३७ वर्षीय बाबुराम केसी रहेको जिल्ला प्रहरी कार्यालय पर्वतले जनाएको छ ।

दुर्घटनामा परी केसी गम्भीर घाइते भएका थिए । उनलाई तत्काल उद्धार गरी प्रहरीले बागलुङ अस्पतालमा पुर्याएको थियो ।

तर, उपचारको लागि अस्पताल पुयाउने वित्तिकै केसीलाई मृत घोषणा गरेको जिल्ला प्रहरी कार्यालय पर्वतले जनाएको छ ।

प्रहरीका अनुसार, उक्त मोटरसाइकल सडकबाट अन्दाजी २२ मिटर तलको खोँचमा खसेको थियो ।