मकवानपुरमा आजबाट सार्वजनिक सवारी संचालनमा

मकवानपुर । मकवानपुरमा आज आइतबारदेखि सार्वजनिक सवारी संचालनमा आएका छन् ।

कोरोना संक्रमणको जोखिमका कारण जारी निषेधाज्ञाबाट दुई महिनादेखि बन्द रहेको सार्वजनिक यातायात आजबाट संचालनमा आएको हो ।

जिल्ला प्रशासन कार्यालय मकवानपुरको असार २४ गते बसेको बैठकले आज असार २७ गतेबाट यातायात संचालन गर्न अनुमति दिएको
थियो ।

प्रशासनले सार्वजनिक सवारी बिहान ६ बजेदेखि बेलुका ६ बजेसम्म मात्र संचालन गर्न पाईने, सिट क्षमता भन्दा बढी राख्न नपाईने,सबै यात्रुहरुलाई मास्क अनिर्वाय गर्ने, सेनिटाईजरको अनिर्वाय व्यवस्था गुर्नपर्ने, चालक र सहचालकले अनिर्वाय मास्क लगाउनुपर्ने जनाएको छ ।

मकवानपुरमा असार ३१ गतेसम्म निषेधाज्ञा जारी रहेको छ ।