वडाहरुमा बिनियोजित बजेट अनुसारको कार्यक्रम गर्न ईन्द्रसरोवरमा अभिमुखीकरण

–मञ्जरी बलामी
मकवानपुर, २७ कात्तिक । मकवानपुरको ईन्द्रसरोवर गाउँपालिकामा सोमबार ईन्द्रसरोवर गाउँपालिकाको आयोजनामा उपभोक्ता समितिका पदाधिकारीहरुका लागि एकदिने अभिमुखिकरण कार्यक्रम कार्यक्रम सम्पन्न भएको छ ।
गाउँपालिकाबाट २०७४/०७५ को लागि वडाहरुमा बिनियोजित बजेट रकम अनुसारको कार्यक्रम सञ्चालन गर्नका लागि उपभोक्ता समितिका अध्यक्ष, सचिव र कोषाध्यक्षहरुलाई अभिमुखिकरण कार्यक्रम गरिएको गाउँपालिकाका लेखापाल दिपक गजुरेलले जानकारी दिए । ४ नं वडाका वडा अध्यक्ष धनबिर स्याङ्तानको अध्यक्षतामा भएको कार्यक्रममा गाउँपालिका अध्यक्ष जिवन लामाको प्रमुख आतिथ्यता रहेको थियो ।
कार्यक्रम गाउँपालिका प्रमुख प्रशासकिय अधिकृत रोशन पुन,जि.प्र. का. मकवानपुरका ईन्जिनियर सचिता नन्द पोखरेल, नासु टेककनाथ काफ्ले र लेखापाल दिपक गजुरेलले सहजिकरण गरेका थिए । हिजो २६ गते वडा नं ५ मा कार्यक्रम भैसकेको र भोलि वडा नं ३ र २९ गते वडा नं २ र ३० गते वडा नं १ मा अभिमुखिकरण कार्यक्रम हुने गजुरेलले जानकारी दिए । कार्यक्रम इन्द्रसरोवर गाउँपालिका वडा न ४ को वडा कार्यलयमा सञ्चालन भएको हो ।