बाम तालमेल चुम्बकका दुई फरक फरक ध्रुवः अध्यक्ष थापा

मकवानपुर, ३० कात्तिक । प्रतिनिधिसभा सदस्य क्षेत्र नम्बर १ का उम्मेदवार एवम् राष्ट्रिय प्रजातन्त्र पार्टीका अध्यक्ष एवं उप प्रधानमन्त्री कमल थापाले माओवादी केन्द्र र एमाले बीच भएको तालमेल चुम्बकका दुई फरकफरक ध्रुव जोडिए जस्तै भएको बताएका छन । बकैया गाउँपालिकामा प्रचार प्रसार कार्यालयको उद्घाटन एवं चुनावि सभालाई सम्बोधन गर्दै उनले यसो बताएका हुन ।

अध्यक्ष थापाले लोकतान्त्रिक गठबन्धनलाई विजयी गराउन अनुरोध समेत गरे । त्यस्तै प्रतिनिधिसभा १ अन्र्तगत प्रदेश सभा क का उम्मेदवार धर्मराज लामिछानेले लोकतान्त्रिक गठबन्धनले जनताको माझमा गरेको प्रतिबद्धता पूरा गर्ने बताए । उनले जनताको माझ गरेका प्रतिबद्धता पूरा गराउन आफू गोविन्द केसी बन्नुपरे पनि तयार रहेको बताएका छन् ।

त्यस्तै बकैया गाउँपालिकाको वडा नम्बर ७ भीरकोट, वडा नम्बर ४ जुरेली, वडा नम्बर ५ श्रीपूर र वडा नम्बर ६ जुईनामा लोकतान्त्रिक गठबन्धनको चुनाव प्रचारप्रसार कार्यालय स्थापना गरिएको छ ।